Den elektriske felåsen til Uglum Maskin er eit populært produkt. Dei gamaldagse ribbe-(røyr)risene har vore ei årsak til mange dyretragediar. Den elektriske felåsen kan leggjast direkte på vegbana utan større inngrep. Kvart element er laga av ei jarnplate ca 0,5 meter brei og så lang som vegbreidda, til dømes 3 meter.Plata er isolert frå vegbana med ei 5-6 millimeter tjukk plastplate. Elektrisk gjerde-straum vert kobla til jarnplata, og dyra får straum i beina når dei kjem innpå. For å hindra at dyra hoppar over legg ein to element etter kvarandre i vegretninga med 0,6 til 0,8 meter avstand. Hopplengda vert då 1,6 til 1,8 meter eller meir etter ynskje.

Elektrisk felås kan leggjast både på grus og på asfalt. Asfalt er elektrisk isolerande og må difor ha jordingsplater i tilegg. Hopplengda vert då 2 meter.Elektrisk gjerdestraum er ufarleg for folk og dyr. Folk kan gå trygt over felåsen med normalt skotøy som er i orden, utan å få straum i seg. Men ein bør unngå å ha elektrisk felås nær til dømes badeplassar, barnehagar eller skular der det ofte hender at barn går berføtt. Det skal alltid vere ei grind på sida for gjennomgang.

Det er og svært viktig at det ikkje blir salta nærare enn 100 meter på kvar side av felåsen, då salt fører til kortslutning.

Med sin enkle konstruksjon og sikre drift, er MiniMaks eit godt val for mindre skitrekk.

(Certification No. 05325)

MiniMaks er eit avansert skitrekk med lågtliggande line. Det er eit flott og ideelt skitrekk for idrettslag, skiskular, hoppbakkar, hotell og supplering i større skisenter. Skitrekket kan du få levert med køyrelengd frå 70 – 300 meter, og med motor på 5 eller 10 hk. Med MiniMaks får de ein skreddarsydd skiheis for dykkar bakke.

Eit stort pluss med MiniMaks er at det er ein svært flott barneskiheis. MiniMaks har ei slakk line med trådkuler, som det ikkje finst mange av i verda i dag. Stram wire og harde medbringarskraft finn de ikkje her. MiniMaks er laga for å vera enkelt og trygt, noko som gjer det svært flott for ivrige nybegynnarar som har tenkt å bli flinke på ski.

MiniMaks sin driftsstasjon

MiniMaks har stort drivhjul, automatisk kjedestramming og valfri skøytemetode. MiniMaks er rimeleg i innkjøp og billeg i drift. Årsaka er at trekket er oppbygd av enkle, solide komponentar. Ein stor fordel er at drivstasjonen kan plasserast kvar som helst i traseen. Dette er ikkje tilfelle hos mange andre skitrekk.